«Qazaqstan Respýblıkasy Ulttyq Banki» Basqarmasynyń qaýlysy  №223

2015 jylǵy 19 jeltoqsan,  Almaty qalasy «Ekinshi deńgeıdegi bankterdiń dınamıkalyq rezervti qalyptastyrý  qaǵıdalaryn bekitý jáne dınamıkalyq rezervtiń eń az mólsherin, kútiletin shyǵyndardyń mólsherin belgileý týraly» Qazaqstan Respýblıkasy Ulttyq Banki Basqarmasynyń 2013 jylǵy 27 mamyrdaǵy №137 qaýlysyna ózgerister men tolyqtyrý engizý týraly Qazaqstan Respýblıkasynyń normatıvtik quqyqtyq aktilerin jetildirý maqsatynda Qazaqstan Respýblıkasy Ulttyq Bankiniń Basqarmasy qaýly etedi: 1. «Ekinshi deńgeıdegi bankterdiń dınamıkalyq rezervti qalyptastyrý qaǵıdalaryn bekitý jáne dınamıkalyq rezervtiń eń az mólsherin, kútiletin shyǵyndardyń mólsherin belgileý týraly» Qazaqstan Respýblıkasy Ulttyq Banki Basqarmasynyń 2013 jylǵy 27 mamyrdaǵy № 137 qaýlysyna (Normatıvtik quqyqtyq aktilerdi memlekettik tirkeý tiziliminde № 8591 tirkelgen, 2013 jylǵy 6 qyrkúıekte «Zań gazeti» gazetinde № 134 (2335) jarııalanǵan) mynadaı ózgerister men tolyqtyrý engizilsin: taqyryby mynadaı redaksııada jazylsyn: «Ekinshi deńgeıdegi bankterdiń dınamıkalyq rezervti qalyptastyrý qaǵıdalaryn bekitý jáne dınamıkalyq rezervtiń eń tómen mólsherin, kútiletin shyǵyndardyń mólsherin belgileý týraly»; 2-tarmaq mynadaı redaksııada jazylsyn: «2. Dınamıkalyq rezervtiń eń tómen mólsheri Qaǵıdalardyń 2-tarmaǵyna sáıkes jáne kútiletin shyǵyndardyń mólsheri Qaǵıdalardyń 3-tarmaǵyna sáıkes belgilensin.»; kórsetilgen qaýlymen bekitilgen Ekinshi deńgeıdegi bankterdiń dınamıkalyq rezervti qalyptastyrý qaǵıdalarynda (budan ári - Qaǵıdalar): 2-tarmaq mynadaı redaksııada jazylsyn: «2. Qaǵıdalardyń 2-2-tarmaǵynda ózgesi belgilenbese, esepti toqsan sońyndaǵy dınamıkalyq rezervtiń mólsheri mynadaı formýla boıynsha esepteledi: DRs = DRs-1 + (KSh - APSh), mundaǵy: DRs - esepti toqsannyń sońyndaǵy dınamıkalyq rezerv; DRs-1 - aldyńǵy esepti toqsannyń sońyndaǵy dınamıkalyq rezerv. 2013 jylǵy 1 qańtardaǵy jaǵdaı boıynsha dınamıkalyq rezerv nólge teń; KSh - esepti toqsandaǵy kútiletin shyǵyndar; APSh - «Salyq jáne bıýdjetke tólenetin basqa da mindetti tólemder týraly (Salyq kodeksi)» Qazaqstan Respýblıkasynyń Kodeksi 106-babynyń 1-tarmaǵyna sáıkes shegerimge jatqyzylǵan, rezervterdi qalpyna keltirýden túsken kiristerdi shegergendegi esepti toqsandaǵy rezervterge assıgnasııalaý. Rezervterge assıgnasııalaý - halyqaralyq qarjylyq eseptilik standarttaryna sáıkes qaryzdarǵa rezervter qurýǵa arnalǵan shyǵystar. Rezervterdi qalpyna keltirýden túsken kirister - rezervterdiń azaıýy qaryzdy balanstan esepten shyǵarý nátıjesinde bolatyn jaǵdaıda qospaǵanda, qaryzdarǵa buryn qurylǵan rezervter somasynyń azaıýy nátıjesinde týyndaǵan kiris. Salyq salý maqsattary úshin dınamıkalyq rezervtiń mólsheri esepti salyq kezeńiniń sońynda aıqyndalǵan dınamıkalyq rezervtiń mólsheri men aldyńǵy salyq kezeńiniń sońynda aıqyndalǵan dınamıkalyq rezervtiń mólsheri arasyndaǵy oń aıyrma retinde aıqyndalady. Dınamıkalyq rezervtiń eń tómen mólsheri nólden kem bolmaıdy.»; mynadaı mazmundaǵy 2-2-tarmaqpen tolyqtyrylsyn: «2-2. Dınamıkalyq rezervtiń mólsheri bylaısha aıqyndalady: 1) 2014 jylǵy birinshi, ekinshi, úshinshi, tórtinshi toqsan sońyndaǵy dınamıkalyq rezerv Qaǵıdalardyń 2-tarmaǵyna sáıkes formýla boıynsha eseptelgen 2013 jylǵy tórtinshi toqsannyń sońyndaǵy dınamıkalyq rezerv mólsherinde aıqyndalady. 2014 jylǵy tórtinshi toqsannyń sońyndaǵy dınamıkalyq rezervti esepteý maqsattary úshin Qaǵıdalardyń 2-tar­maǵyna sáıkes aıqyndalǵan APSh kórsetkishiniń máni 2013 jylǵy birinshi, ekinshi, úshinshi, tórtinshi toqsan sońyn­daǵy dınamıkalyq rezervti esepteý kezinde eger APSh-tyń máni teris bolǵan jaǵdaıda, nólge teń bolyp tanylady; 2) 2015 jylǵy birinshi, ekinshi, úshinshi, tórtinshi toqsan sońyndaǵy dınamıkalyq rezerv osy tarmaqtyń 1) tarmaqshasyna sáıkes eseptelgen 2014 jylǵy tórtinshi toqsannyń sońyndaǵy dınamıkalyq rezerv mólsherinde aıqyndalady; 3) 2016 jylǵy birinshi, ekinshi, úshinshi, tórtinshi toqsan sońyndaǵy dınamıkalyq rezerv osy tarmaqtyń 2) tarmaq­shasyna sáıkes eseptelgen 2015 jylǵy tórtinshi toqsannyń sońyndaǵy dınamıkalyq rezerv mólsherinde aıqyndalady.». 2. Baqylaý jáne qadaǵalaý ádisnamasy departamenti (Ábdirahmanov N.A.) Qazaqstan Respýblıkasynyń zańnamada belgilengen tártippen: 1) Quqyqtyq qamtamasyz etý departamentimen (Dosmuhambetov N.M.) birlesip osy qaýlyny Qazaqstan Respýblıkasynyń Ádilet mınıstrliginde memlekettik tirkeýdi; 2) osy qaýlyny Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy qaýly resmı jarııalanǵannan keıin ony Qazaqstan Respýblıkasy Ulttyq Bankiniń resmı ınternet-resýrsyna ornalastyrýdy qamtamasyz etsin. 3. Halyqaralyq qatynastar jáne jurtshylyqpen baılanys departamenti (Qazybaev A.Q.) osy qaýlyny Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde merzimdi baspasóz basylymdarynda resmı jarııalaýǵa jiberýdi qamtamasyz etsin. 4. Osy qaýlynyń oryndalýyn baqylaý Qazaqstan Respýblıkasynyń Ulttyq Banki Tóraǵasynyń orynbasary O.A. Smolıakovqa júktelsin. 5. Osy qaýly alǵashqy resmı jarııalanǵan kúninen bastap qoldanysqa engiziledi jáne 2016 jylǵy 1 qańtardan bastap týyndaǵan qatynastarǵa qoldanylady. Osy qaýlynyń 1-tarmaǵynyń segizinshi, on segizinshi – jıyrma úshinshi abzastary 2017 jylǵy 1 qańtarǵa deıin qoldanylady. Qaǵıdalardyń 2-tarmaǵy birinshi bóliginiń birinshi abzasy 2017 jylǵy 1 qańtardan bastap mynadaı redaksııada jazylsyn: «2. Esepti toqsan sońyndaǵy dınamıkalyq rezervtiń mólsheri mynadaı formýla boıynsha esepteledi:». Ulttyq Bank Tóraǵasy D.AQYShEV «KELISILDI» Qazaqstan Respýblıkasynyń Qarjy mınıstrligi B. Sultanov _______________ ­­­­2015 jylǵy 31 jeltoqsan Buıryq Qazaqstan Respýblıkasynyń Ádilet mınıstrliginde 2016 jylǵy 3 aqpanda Normatıvtik quqyqtyq kesimderdi memlekettik tirkeýdiń tizilimine №13000 bolyp engizildi.